2016年3月21日 星期一

曲奇10K跑

星期日去跑曲奇10K。幾好玩,天氣凍凍地,起碼好過星期六咁熱。我唔識路入去大埔海濱公園,好彩朝早有朋友車我入去集合點,超開心的。現場都幾熱鬧,大聲歡呼~聲浪大到連sugar 都留言話聽得到,哈哈,嘈住居民瞓覺啊。

上網見到Hana Tam 都有參加,她跑完10K後,十點幾再去跑doraemon run,Crazy!

大埔都幾難認路,跑完想行去火車站,行左好耐。在荼記坐了一陣,做完運動後特別肚餓,順便坐下休息下再返屋企。阿雲問我有沒有完成賽事,哈哈,當然有完成,不過跑得唔快姐(87分鐘)。大家說完成已經很好,對我的要求真係低啊~我對自己有要求的,下次啦,下次會快d架喇。

今次跑得輕鬆了少少,因為天氣很涼爽,無陽光,又有些風。加上有朋友一齊跑,開心好多。沿途可以邊聊天邊看下風景,好減壓。

好正的星期天。

0 意見:

張貼留言