2016年1月29日 星期五

別人的新工作

昨晚和朋友們吃飯,Yvonne在考慮是否接受一個新工作的Offer。她考慮的原因主要有3個,1是公司離家太遠 (約1.5小時的交通時間),2是新上司是她的舊朋友,以前相處不錯,怕由朋友變工作伙伴(上司和下屬)之後會有改變,3是公司雖然是5天工作,但一年中有幾天需要星期六日上班(不會有補假)。

意料之外,席上大多數人都鼓勵她接受呢份新工。因為他們覺得有offer 可以騎牛揾馬,做住再觀察下,若果真係做一陣就辭工,最多咪同個上司無朋友做囉,做住起碼有收入,好過現在空窗期,不知等到何年何月。在我而言,我不贊成她接受這個新工作,但當時大家熱烘烘地說好,我就不加什麼意見了。

就那3個考慮因素,3是不太重要的,我認為可以不理會。1是交通時間,每天來回用3個小時實在太多,車費不在話下,而且很勞累,令人吃不消。我找工作其中一樣重要的因素係公司位置,選一程車內到達的,要轉車的就盡量不考慮。所以我上次轉工時,係先鎖定黃竹坑,再到南區,再到銅鑼灣/灣仔/中西區。我那時對黃竹坑的商廈先做了些資料搜集,例如OIS的大堂沒有水牌的,我就問接待處拿了大廈的各樓層公司名。知道了公司名,就大約找到那些公司的招聘廣告,雖然是有點麻煩,但現在省回了上下班的時間啦。當然用JobsDB/recruit那些網站來篩選地區也ok。

我上次係辭工後再找新工的,收到9間公司通知見工,5間在黃竹坑,3間在南區,1間在銅鑼灣。然後馬不停蹄開始見工,很快就有Offer,再從中間選最適合/最好的一個。我覺得有時間咪周圍見下,唔洗諗咁多,不是心儀的公司,自覺不太勝任的職位,已有offer 之後收到的面試,也照去。去多幾次,咪當係多個機會。收到offer 先仔細考慮,慢慢諗都未遲。

講返Yvonne的新offer,第2點係朋友變上司。我覺得可免則免比較好,除非那間公司條件非常好,即係靠關係可以有jet so,可以諗諗。即係等於朋友介紹個筍盤俾你,無理由拒絕啦,同樣情況,有份筍工,真係筍的咪去馬。無得顧慮太多,若真係搞到朋友都做唔成也就罷了,講太多「如果」好婆媽,一就一,二就二,先係我性格。

講到尾,份工你既,自己話事啦。

0 意見:

張貼留言