近日去了睇相。其實我對命理這樣東西很好奇，一路都想去算八字。第一次去，就當見識下。老師傅說我有2粒官星，適合打工，最好穩定d，打工打到老。我命屬土，利火，會計都屬土，夾得來。姻緣、家庭、健康方面都有講下，中規中矩啦，都講得很大路，沒什麼特別。之後講未來廿年，未發生的事情，我唔評論住。
到講我朋友的八字，比較有趣，講得較仔細，佢地的互動仲幾搞笑。師傅講我朋友的內容好準，準到佢哇哇聲。不過，我覺得除了八字，他應該很會相人，所謂「有心無相，相逐心生；有相無心，相隨心滅」，人的性格會投射在他的面相上，性格又會影響命運，講得準都唔奇。
後來和一個同事傾談，講起算命的師傅如何知道客人的那個多資料呢？她說她也有類似的經歷，算命內容準確到無法解釋，故懷疑算命先生養鬼仔。真定假，真係無從稽考，聽落又幾得人驚。原來講得太準，先至驚....
0 意見:
張貼留言