2016年1月22日 星期五

海纳百川,有容乃大

晚上去玩攀石,今次有幾條新線,不過最簡單的已經v2+,所以未搞得掂住。通常我完成唔到的線,我都係坐埋一邊,觀察下人地點爬,然後自己再試下。「hello,你可唔可以爬一次綠色條線俾我睇?」三唔識七,我真係講唔出口。

不過最近幾次去玩,都有旁邊唔識的人主動教我,好開心。有個女生,不單止指點我不明白的動作,仲會親身示範多次,我覺得這樣熱心的人很好。她說:「在攀石場裡見過你幾次,咪過來教下你,你肯聽我講,我好樂意教。相反,你知啦,有d 人覺得你教佢好似係睇低佢咁,我就唔想講咁多。」我覺得佢咁講都幾啱,人地肯分享係好事,吸收別人的經驗沒有什麼不好。自以為自己很厲害的人,其實限制了進步的空間。那個女生,是港隊的攀石運動員。雖然我倆的程度差很遠,但她很友善很容易親近。

我都有留意到,攀石場裡有些人很cool,別人跟他提點一下,他們都表演得不太喜歡,一副「我洗你教」的樣,難怪平時也只可以一個人玩。當然,他們可能自己技巧很不錯,但教學相長,多聽別人的意見其實無妨。

你叻,但呢個世界有好多比你更叻的人。

0 意見:

張貼留言