近排毛記電視咁紅，又令我留意一下林日曦。第一次聽到佢個名，係大約2年前，有個星島發行部的朋友S給了我一些樣本書，話：「喂喂，你咁鐘意睇書，我公司有好多新書拎去唔同書局架，但係有多，俾你啦。」免費新書，正啦，我要哂。我睇完再轉贈俾其他朋友，又可以分享，又環保。
新上架的樣本書，有好多係年青新作家。當時裡頭有一本小說，係林日曦的 <<快樂有限>>。書中全部都係短篇小說，故事好奇怪，d人物名又係奇奇怪怪，有些係講未來的世界，有些係講死亡，有些係講男女關係的。我心諗，呢個作者諗野好怪喎，佢想講乜？故事講一個男人會考失意後想跳樓尋死不果，做左隱青；其中一個故事講城市人付款去體驗北韓集中營的生活；又一故事講未來人類遺傳基因改變，所有女人都食極唔肥，但男人偏偏改變口味，鐘意肥妹，女人們又要拼命用各種方法增肥。
睇完堆書，我將全部書給了我弟，他看完再將書給其他朋友，但林日曦呢本小說仲放在我家喎。我問我弟，「唔解留低呢本呀，你鐘意呀？」「唔係呀，呢本書d 內容好怪，無朋友要咋。」嗯，其實我都覺得怪，我估作者應該係個怪裡怪氣的人吧。
今日，林日曦同拍擋出版了黑紙，100毛，製作毛記電視，白卷出版社。今日的成績，可能就係由一堆怪念頭而來的。行一條同人地唔同的路，有幾怪？
0 意見:
張貼留言