奧海城睇攀石比賽 + 認識了一個會攀石的女生

週末去了看攀石比賽。3個字，好好睇!

我朋友參加女子公開組，可是沒贏。睇到6點幾，女子組比賽結束，換男子組繼續。朋友話男子組會更好睇，因為男子公開組set 的線難度很高，又要平衡力好，又要有爆炸力，當然少不了力的表現。全場觀眾都看得hyper，星期六日的商場，份外熱鬧。

既然話男子組比賽更好睇，咁我梗係霸個靚位繼續睇啦，晚飯都無食，一路睇到8點幾。今次有新加坡、韓國、台灣、內地、澳門的運動員參加，香港隊人才濟濟，男女老幼都有。有一個小妹妹令我印象最深刻，她大約11歲，齊陰綁長馬尾，樣子挺可愛的。一大班參加者入面，她年紀最小，身型也最嬌小，有點格格不入。她出場時，旁邊的人告訴我：「佢好勁架，佢已經參加過好多比賽了，不過以前佢年紀再細d，礙於身高，好多線都爬唔到。」今天的她，也應該不夠150cm(目測)，反而其他運動員，六尺以上的都不少。

呢個小妹妹，身手敏捷，每一步都好準確，仲好大力。她的手指力可以拉起她自己，人仔細細，估佢唔到。比賽中4條線，她完成了3條，而且都係好快到end hold，乾淨俐落。有部分運動員係一條都完成唔到。

妹妺完成唔到的那一條，只係差少少，差最後一步，跌落墊上2次，然後再爬再試，剩下20秒，她重新再爬一次，去到了尾2那個hold時，比賽時間只剩下不夠5秒鐘，小妹妹就全力向end hold撲過去，捉住的一刻，全個商場都在鼓掌。可惜她捉不緊，最後沒有完成。

(我後來上網google 過這個小妹妹，她叫張悅彤，網上有很多她的訪問，記者叫她做蜘蛛女。她6歲時參加公開比赛奪冠；9歲時獲得廣東省攀岩錦標赛女子專業組難度冠軍。)

睇完比賽，我陪新認識的朋友Ice(就係隔離一齊觀賽的女仔)去銅鑼灣拎跑手包，但去到先發現要七點前拎。白行一趟之後去天后食了晚飯。我地食了個墨魚汁海鮮飯，個嘴黑哂，然後拍了張合照，都幾搞笑。