2016年1月7日 星期四

1月隨筆

股市跌,我又入場買返d。現金剩返唔多了,買完呢一round 又係放長線等收股息。我一向冇乜現金放在銀行,覺得d錢反正唔急住用,咪買d資產。我見到跌市其實唔擔心,因為大部分都係長揸的銀行股。雖然我讀會計,但不精於計算,有時都幾憑感覺行事。信自己,好過信其他人啦。

2015年過得好快,年尾結算,股票賬面係蝕的。我辭左寫專欄份part time,因為稿費少又花時間,不過2015年總收入多左15%,星期六日又可以休息,留多d私人時間俾自己,幾好。寫文章,都係過下癮,咁自己得閒寫下咪仲舒服。做人做事,自己拿主意啦,向錢看但都要自己開心,一世人唔通為左錢捱餐死咩。哈~但係我而家份工都幾輕鬆,咁樣講好似講緊風涼話咁.....

2016年就開始繼續讀書。我經常諗,究竟應唔應付到呢?每日返工都已經差唔多七點走人(少許忙碌但冇乜壓力),要搞惦埋功課同考試會否ko我?但....有d野我一旦決定左做,就去馬啦。我個人都幾固執架,不過相當就得人(兩者有冇矛盾呢?)如果我計劃好的事,我就想一步步完成,我對自己的事我好著緊,但對他人的事可以很無所謂。律己以嚴,待人以寬,就係咁。

今年除左讀書之外,仲有好多計劃。以後再講....

0 意見:

張貼留言