11月尾

今日，終於天氣似返冬天喇，呢個氣温真係舒服到唔想起身。仲有幾日就去跑10km，希望到時天氣都係今日咁涼涼地，跑步應該會幾適合。阿雲同我講，叫我快d試下自己跑個10km先啦，怕我到時應付唔來，不過淨返幾日時間咋喎，都冇得練咁長距離，唯有跑多一轉5km 就上場吧。10km 即係兩個5km ，最多到時跑到中段休息下再跑，哈哈。跑步跑成點唔重要啦，志在參與下。其實我未去過迪士尼，今次去睇下都好。

自從April調左去水警度返工後，我就多左隻飯腳。水警基地同我公司好近，可以得閒約下食飯，好開心。佢仲同我一齊去了2次攀石，唔知之後佢仲會唔會再去攀石場呢？計計下，我玩左攀石已經3個月，不過眼見好多新人都玩得好過我。昨日去玩的時候，有個玩左2個月的女仔仲教我點樣拆線，唔講真係以為我仲新過佢。最後我昨天沒有完到一條新線，可能好似cathy咁講，我升level了 ，難度高左所以冇一條做到。嘻嘻，咁即係進步左嗎？

嗯....我當有啦咁XD