講下我自己 - 理財

我好鐘意睇人寫理財。儲錢,股票,債券,期權,孖展,買樓,收租,短炒,通通都會睇下咁，因為呢d 投資工具知多些冇壞，學到野就當然更好啦。錢，真係要好好管理，唔係打份工做到隻牛咁都係得少少錢，要慳住慳住咁過日子。

呢期都幾興講80後上車/ 90後上車，喺香港要上車係件大事，你憑自己努力可以買到樓，係叻仔，差唔多可以上報紙做個訪問。不過我唔認同果種慳到食麵包皮去儲錢的方法，為左層樓，或者應該係話為左份首期，要咁樣捱日子。這樣節衣縮食地生活，不是你買樓，而係層樓買起左你的人生。

比起前幾年，我而家經濟上沒有壓力，因為總算等到我弟弟出黎做野，大家可以一人一半分擔屋企的開支。不記得是07定係08年，我爸公司裁員，他掉了飯碗，我屋企的經濟就出現了問題，他的公積金已經在01年預先拿了出來付單位的首期和裝修，所以當時的遣散費沒有很多。那時候，家裡用錢變得很緊張，他就常常板起臉。而我每次出糧大部分都用來給家用，所以我的心情也沒有很好。

直到幾年前，我開始有少少儲蓄。我將這些錢用來買股票和債券，派息供股後再買多些股票。這樣邊學邊投資，直到剛過的7月份小股災，身家又打回原型，而家賬面仲要蝕少少。不過，長線投資就唔洗介意，股市上上落落一定有，預左交下學費，從錯誤中學習。

最近留意緊月供股票，等我慢慢研究下市面上d plan先。

月供股票的好處

1. 提供特平息率 (P – 1.75% = 3.5%)
2. 收到的股息有機會足夠繳付月供股票的利息。
3. 一年後全部股票屬於客戶。
4. 客戶可在任何時間賣出股票。
5. 沒有年費、存倉費及或銀行轉入費。
6. 有80-100隻股票可供選擇。