男人幫演唱會

我想試下飲少d咖啡，平時一星期飲3至4杯，雖然唔係日日飲，但都想減少下。結果連續一星期沒有飲，結果係：成日都好想好想飲....
所以，今個星期，又打算回復返間唔中飲下。我不能看少咖啡對我提神的效果，心理作用又好，真係幫我精神d又好，我諗咖啡已經變成我生活一部分。(話說讀書時期的我是不喝咖啡的)

前幾日去了睇-男人幫演唱會-。我覺得幾好睇喎，氣氛又唔錯。Hester問我點解去睇老餅演唱會？？哈哈....我話：都唔係好老餅姐，不過比起你成日去睇韓星，例如g-dragon，咪覺得佢地老囉。

話說演唱會開頭，蘇永康又真係咁樣自嘲佢地呢個組合係老餅，不過唔係好老果隻，四個小生去旅行就叫做好老餅喇。佢話呢個演唱會啱八十後聽，我認同!

聽完歌，本來想同clara去食野，但諗到星期日早上要跑步，就返屋企瞓下。但其實返到去，一點鐘瞓，四點起身，都係瞓得好少，但唔算眼瞓，係有d凍姐，跟住就坐車去迪士尼。跑10km 都唔太辛苦，開心完成，過程下次分享。

題外話，去到尖東附近，我梗係有去探下高廉廉同學啦（忌廉哥）。不過星期六晚牠不在，見唔到換上聖誕裝的聖誕廉添。