時間管理

人愈大，愈難專心地温書。可能係電話令我好分心，覆個whatsapp，又開下facebook﹐，跟住播個youtube，時間就過去了，但書就只係温左一頁咁多。

昨天看了兩本書，兩本都係講時間管理的。我好鐘意呢類書，因為我覺得叻的人一定係可以用好少時間就完成到好多工作。每人每日都係24小時，係公平架，睇你點樣運用你的時間。我鐘意睇書的其中一個原因係，寫書的人花上一年時間(假設)預備，但我就用1-2小時就可以睇完作者精心準備的一本著作，好花算。

講返時間管理，其實大同小異，主要都係要有計劃，要安排好你的工作和休息，等你可以發揮最好的效率。書入面講到，温習時要欺騙腦袋，令你個腦以為你温緊的資料好重要，先會記到入腦。因為人的腦袋天生只會記住些對生存有用的東西，其他野睇完就會唔記得，所以你要不斷重温同一樣的資料，日日都要睇一次(假設)，等個腦以為係好緊要，海馬就會將件事情放入記憶區。套落去温書，即係要成日温，做多d 練習，咁樣就會記得實在，唔會睇完轉個頭就忘了。好似講得廢廢地，係人都知温書要成日温，唔可以靠短期記憶，不過知道呢個原理又幾有趣。

書入面仲有講一樣野，就係減少做決策的時間，例如你每日收工後要做的事，幾點食飯幾點去温書幾點睇電視要知得一清二楚，唔洗諗就最好，因為如果要諗沖涼先定食飯先，抑或睇幾耐電視好，就會容易浪費了時間。當你開著個電視，睇完一集又諗住睇多一集，就「冇」時間啦，哈哈。講係咁講，講到尾都係叫你有個well planning。由小事著手，唔好覺得自己冇時間，忙多數係因為你不懂得善用時間，而唔係真係太多野做。

時間管理，重要的係要管理好自己，先可以好好地管理好你的時間。