一點一點的進步啊

攀石對我黎講，係一樣新運動。我冇打算要玩得叻，當係收工輕鬆下之餘又可以強身健體，幾好。不過，開始左玩後，我就去左鍛鍊體適能，最近仲覺得自己大力左添，哈哈。

現在努力叫自己多做一項，係平板支撐。其實以前都有做下，不過冇堅持，而家又再練過，希望練到多d肌肉，身型好睇又可以應付大d運動量。因為，無論跑步又好，攀石又好，都要有多d肌肉先可以玩得好d。我去攀石場玩的時候，通常爬幾下就已經冇力，跟住坐喺度睇人玩。可能人地玩到幾柆鐘，但我只可以爬到十次八次就要休息。仲有，頭幾次爬時最大力，之後體力消耗很快到頂，別人還在熱身，我已經玩得七七八八。

昨天見到自己有一點點進步，又幾開心喎。