我的少女時代

週末睡得很少，但可能有得玩，又唔算好攰。如果係工作到冇得瞓，我會叫救命，哈哈。

星期六去了深圳，下午4:30 才在紅磡出發，有點晚。不在月台等，在車廂裡等，全部人齊哂，剛剛好4點半列車關門。過關唔多人，眼望過去都是些水貨客，大包細包咁。到埗後迅速去開餐，七點多已經完成晚飯，周圍行下就去揼骨。有人帶路真係好，好似鴨仔團咁樣去，啱我。因為我最沒有方向感，有地址有google map對我來說同冇係一樣的。

星期日早上返香港，去了看「我的少女時代」。竟然有男仔係會想睇愛情片的，好驚訝啊。我覺得套戲都幾好睇的，同那些年有點似，都係講學生時代的愛情故事。故事開頭很一般，不過結局我好喜歡，見到劉德華好感動。太煽情的地方有點老套，例如徐太宇俾人打到周身傷，負傷在大雨中去送禮物給林真心呢幕，有夠誇張，我覺得嘛嘛地咁。仲有另一幕，林真心生日，陶敏敏向徐太宇告白，又係落咁大雨，劇情好似太過刻意。我反而喜歡他們駕機車去玩的那幾個場景，拍得比較細緻。見到歐陽將林真心的手放到外套裡，徐太宇的眼神令我有點sad，直到流星出現，徐太宇那句：我希望你的願望裡有我。我都覺得拍得很感人，當下我在想，世事就係咁，有些少無奈。最感嘆係，「我」的少女時代乜故事都冇，冇徐太宇也冇歐陽，呢樣係最sad 的。

我沒有好喜歡劉德華，但最後他的出現好好看啊。最後，聽到徐太宇說：「林真心，我會叫劉德華，唱給你聽。」很正的結局，因為他記得，20年前，他也說過這樣的一句。