攀岩小總結

忙下忙下五月就快過。工作進修兩忙，我差唔多3個月沒去攀石場，提不起勁再去爬。原來我玩攀岩已經大約一年，最初每次去玩都撞到對腳瘀哂，手又破皮，後來有好一點，學會了點技巧，就沒撞得那樣「金」。開頭去玩，超累人的，玩完仲要「傷」到好似仆左落樓梯咁款，要著長褲偷偷遮蔽著d瘀青。如果我媽見到我的腿，肯定會囉嗦一番，哈哈。

不過，我算係玩得好hea，玩到手指破皮流幾滴血就換衫走人。聽其他人講，運動員訓練時真係爬到隻隻手指流緊血，都仲要包住隻手繼續練習。又聽過他們將碘酒倒在甩皮的傷口上，實是恐怖。這是初期運動員練習會遇到的間題。當日子有功，你抓住每個hold 都很精準(抓不緊時，手和hold 的磨擦會很多)，再加上手皮愈來愈厚，自然不會這樣容易破皮。

其實玩攀岩要做埋很多core 訓練，因為除了技巧之外也有很高體能要求(我當然是不達標的)。我以前多數星期三晚上去攀石場，玩完就和其他人一起做體能訓練。當中有一部分係做10下引體上升，我見到原來個個女仔都做到而我做唔到，係一下都做唔到，真係覺得大家都好厲害，而然他們應該心諗：呢個女仔係度做乜？

雖然大部份體能訓練都跟唔上其他人，不過做下做下都叫進步了些少，大力了一點。有空再去，希望以後某天我會有機會做到引體上升，一下咁多。