2016年2月16日 星期二

2月隨筆

本來年初五先係開工吉日,但係因為多野做,年初四已經返公司努力工作。2月份的長假,其實唔長,一眨眼過左,跟手過埋個沒有情人的情人節,2月已過一半。猴年好忙碌,因為工作量多了,又要應付埋會計課堂,日日開動busy mode 咁。雖然忙左,但仲抽到時間煲劇(必娶女人)、跑步、 攀石、唱k、睇戲(美人魚),都忙得幾開心架。

前一陣子,眼睛有點唔舒服,想去睇醫生但又驚驚地。可能係諱疾忌醫,我都唔知。除左以前因為暗瘡問題去睇醫生之外,我成世女其實都冇乜睇過醫生。唔係講笑,我覺得唔去睇醫生係受我媽影響,因為她是個女超人,病都唔洗食藥,廿多年來都無去過睇醫生。講返我對眼睛,有少少痛,最後都去了做個眼科檢查,給自己一個安心。照完眼底,醫生話眼底有個小泡,是發炎,小問題,唔洗用藥都會自己好,叫我減少用手機/電腦的時間,要有充足睡眠,對眼睛會好d。我一向都係早睡早起的好寶寶,又唔打機,咁都關我事?不過,醫生話我眼仔好健康,我心裡面確實輕鬆左不少。我以後會更加愛護我的靈魂之窗,十個感恩!!

題外話一說,有點失策的是,原來照眼底要滴放大瞳孔的藥水,而放大了瞳孔會出現視力模糊。我沒有預料到這個問題,做完檢查後就去上會計堂。離開珍所的時候有點暈眩,又折返去問一下醫生,他說是正常現象,視力模糊會維持3-4小時。oh god,結果我濛查查咁由中環去何文田,真有點吃力。當然,上課也有點看不清楚powerpoint,難以集中精神,失策啊。

0 意見:

張貼留言