今年跑左一個10公里。
今年可以40分鐘內完成5公里。
今年考咗PBE 的會計試，距離qualified近左一點了。
今年玩左一樣新運動 - 攀石。
今年學會了踏單車。
今年轉左份新工，都係油公司，都係做會計，不過人工高過之前。
今年種了盆海棠花。(不過佢捱唔到去2016年，已枯萎)
今年識了好多新朋友。
暫時諗到呢d，一年一年咁樣過，時間真係好快。我覺得自己思想成熟了，對很多事情都看得很開，努力做好面前的工作就ok，不用給自己太大壓力。今年，我冇睇過醫生，小小傷風感冒難免，但話要睇醫生食藥就真係唔洗。雖然中醫說我體虛，我又長時間手腳冰冷，但係平時冇乜病痛，很感恩。我一向覺得人體有一套自癒的系統，平時鍛鍊多d，就會有好體質。鍛鍊唔只係為左身材好，仲係對你的健康負責任。
除左身體健康，也要保持心情愉快。今日在樓下見到有一個男人因為上唔到接駁巴士而發老脾，攔住架巴士講粗口，搞到成車人擾攘左好耐。其實為乜呢？我諗佢平時一定係壓力太大，所以先會沉唔住氣。佢應該去學下太極，學下咩叫耐心，平心静氣，這樣暴躁只會壞了好多事情，對自己沒有好處。香港人，成日趕頭趕命，所以要諗d方法讓自己心境靜下來，就好似禪修咁，令自己放鬆。唔同人有唔同的方法減壓，適時發洩出來，就唔會迫到自己情緒出現偏差。
對事平靜有耐心，比較容易，對人就難d。有時，對住某d人，真係好想發脾氣，尤其係d冇品人或者麻煩人，不過諗深一層，最好的方法係親近你喜歡的，遠離你討厭的。這樣比較簡單，改變一個人很難，改變自己去迎合他人也很難，那不如與你喜歡的人待在一起，學識點樣選擇你的朋友，咁樣會舒服好多。好多野，你知道係唔洗講出口的，心裡面最清楚。慢慢就會發現，邊d人值得你花時間和他們在一起，從那些人中獲得持續的正能量和好心情。
得閒再寫。
0 意見:
張貼留言