The Intern入面的寫字樓好靚，應該話好前衛。而家香港真係多左呢種裝俢格局的公司，一大張枱，上面放住一部部手提電腦，有好有唔好，好的是可以坐得同其他人親近d，個景觀又開揚d，唔好的是冇自己的私人空間，返工做乜都俾人望住哂，沒有私隱咁(你懂的)。
我公司隔離的單位，就有一個好似The Intern咁樣的寫字樓，望入去好大，老闆冇房坐，幾十個員工都可以一眼望哂。再加上，裡面有好多職員係外國人，真係幾似套戲的場景。我覺得係幾靚既，如果大家都會著得靚靚咁返工，間公司就更加pro，似足外國的大公司，哈哈。
套戲故事真係好簡單，一個女強人，其實唔係好強架咋。佢都會有好多解決唔到的困難，事業家庭未必可以兩全其美，因為時間有限，工作卻是冇限，唯有犠牲睡眠，來換取多一點光陰。但係成日唔夠瞓，捱到心身疲倦，又係一個大問題。香港人經常加班，對呢個情況唔陌生。尤其係在職媽媽，真係好辛苦，好似Ann Hathaway 在套戲裡的角色一樣，事業，老公同個寶貝女都咁重要，但係返工日理萬機，老公開始對她冷淡，女兒的事又掉三落四，卻放心不下別人管理自己的公司。或者，在香港也好，在外國也好，單身的話比較容易處理好女強人的角色吧。
講左一大段Ann Hathaway，咁Robert Deniro呢？佢係一個退左休的老人家，因為想生活得冇咁悶，所以去返呢份Intern，雖然佢工作內容好少，但佢樂在其中，又肯接受新事物，係幾型的。我覺得任何人可以活到老，學得老，都係一件唔錯的事。做自己想做的事，先係令自己最開心的。年紀大唔係障礙，重要的是心態。
加班中的你，有沒有些新想法？
0 意見:
張貼留言