講下我自己 - 購物價值觀

忽然，想講下自己。

我覺得自己係個好唔鐘意改變的人。即係用開的東西，到壞了舊了我先會買一件新的，有朋友覺得我慳錢，但其實係因為我環保之嘛，哈哈。例如一個袋，我用開就日日用，唔需要換咁多個來襯衫，我覺得咁樣好麻煩，又要執過入面d 野。同埋，如果有些東西買左但唔用/好少用，我會覺得個心好唔舒服，好似浪費左佢個價值，同埋阻地方。呢d 情況，我通常係會即刻拎去救世軍/舊衣回收。

我都唔知點解我係咁樣。見到其他人shopping一袋二袋，我好不可思議，又會聯想到d 野用唔哂的情景。曾經有同事同我講，屋企有大約100對鞋，我覺得太多，多得難以接受。當然，比佢多鞋的女人相信大有人在，只係唔可能發生係我身上。我腦海入面，只係諗到屋企冇位擺，又要打理，要著陣果又難揾。不過，我明白購物係幾開心的，我每次買鞋都一樣很愉快，我覺得消費本身係幾減壓的一件事。

話說我著鞋，好少鞋可以著超過一年。可能因為我腳大，腳背又厚，撐到d 鞋唔靚，又很快變舊吧。又因為腳肥，所以買鞋時好少買到靚的高跟鞋/ 女仔鞋。所以，我都幾羨慕d 女仔腳板薄，著乜都靚。腳厚的人減肥得唔得？我諗唔得喇，因為我本身唔係肥，最肥最厚肉係我個腳板底，或者我前世係耕田的吧，哈哈。