10月隨筆 - 攀石、品酒、種花

很久沒寫網誌。不是因為忙，而是最近在寫一個專欄，開始了一陣，又打算不寫了，授權給YAHOO 刊登，沒錢收，寫了幾篇就覺得沒有動力去寫了，哈哈。

最近，試了幾樣新東西，攀石、品酒、種花。

攀石，在家附近的攀石場裡，挺方便的。難度很高，看別人玩都幾得意。見到其他人好Fit，又開始有鍛造身材的念頭，運動衫其實都可以著得好靚。

攀石係玩票性質，因為不算是很大興趣，而且沒有天份，進步好慢，朋友陪我去玩的頭一兩次已經玩得叻過我。哈哈，冇法喇，可能運動真係講天份。好似我去跑步咁，每個星期都跑架啦，進步都係好慢，而家跑5KM 都要40分鐘，希望遲下會快少少啦。11月份要跑迪士尼10KM，仲有2個月時間，練習下先，或者到時會見到自己有DD成績啦:)。

品酒，去了一次。門外漢一名，所以唔太明白各樣酒的分別。連酒杯都好考究，出產地同年份更加唔洗講。不過，飲幾杯又幾Relax 的，唔明都唔緊要啦，當知多少少紅酒/白酒的知識都唔錯。

種花方面，剛在日本城買了盆植物放寫字枱。望下電腦，又望下綠色植物，對眼睛好。其實我收工後已經唔多用電腦，不過用手機真係太多，機不離手咁，即使最近個mon 碎裂了都仲係繼續用緊。冇辦法，我是一個中了手機毒的人，哈哈。至於我係咪apple 的粉絲？我用iphone 只係因為iphone 4係我第一部智能手機，用開apple 之後懶得再適應其他類型電話，所以一路都用iphone 了。我覺得我換手機的意欲比其他人低，就算見到古天樂的samsung note 5 廣告，都唔覺得有乜吸引。(不過，古天樂本身是很吸引的。)

又到星期五。呢個星期返下又放假，工作堆在一起，但心情都幾愉快。happy Friday !!下次再寫。