2016年12月1日 星期四

11月上海遊記

11月去了個上海旅遊。上海真係美,古色古香,中西合璧。紀錄一下四天的行程吧。

住方面訂了碧雲花園service apartment,本身諗住3人住,訂間家庭房,點知出發前其中一人去唔到,另一朋友瞓左客廳的梳化床 (好大張) ,而我就一人瞓左咁大間房! (背光,睇唔到我個樣)

間房仲有衣櫃,電視,影唔到


DAY 1. 豫園,城隍廟,上海外灘, 和平飯店爵士俱樂部

豫園,城隍廟都是著名遊客景點,在酒店附近,放低行李就去。人很多,很熱鬧,有些商業化。



外灘的夜景像香港。那天晚上7度,在外灘走走,很冷。七點多就去了和平飯店,點了杯白酒,叫了份小食,聽爵士樂。

綠色頂就是和平飯店, 超好認的
(影相時凍到手震! )

那隊樂隊,雖不是全球最好的,但係全球最年老的! 哈哈。幾個伯伯彈著舊英文歌,情調挺好的。我想,大概老上海的有錢人以前就是這樣摸著酒杯底聽歌吧。

酒吧比我想像中來得有d 細,很快就滿座了。晚上9點多,酒吧裡的姑娘唱著上海灘,氣氛超好。音樂結束,打鼓的那位老伯伯站起來,接受全場掌聲,離開時還鬼馬地在西裝手袖裡變了兩顆花球出來,有趣!

正準備離開,朋友忽然想起上海灘的許文強,不就是在和平飯店的門口被槍射死的嗎?她說她也要來扮演一下!!於是我走到飯店外面,幫她拍低了這段「許文強被亂槍射死」的戲碼。有些路人們回頭看了一眼,而飯店保安也沒什麼大反應,倒是我倆笑到半死!! 我真開心有這樣一個好玩的朋友。



DAY 2.   龍華寺,宋慶齡故居,舊法租界, 徐家匯天主堂,七寶老街

龍華寺係個好舒服的地方。如果住在咁清幽的寺裡面,人都會少d 暴戾少d 脾氣。我走著走著不知朋友行左去邊....不過無理lu,我吸多兩啖新鮮空氣先慢慢揾佢....

下午去了宋慶齡故居,上海是她的老家。

宋慶齡故居

聽了些宋的個人事跡,順便參觀左旁邊的宋慶齡紀念館。我好鐘意睇歷史,不過近代史就唔熟,回香港揾本宋慶齡自傳睇睇先。可能有d 人會覺得好悶,但我唔覺啊~~ 如果夠時間的話,我會去埋魯迅故居架! 我好鐘意去看歷史人物的足跡。

宋慶齡故居通去後花園

有藍天白雲,來自拍一張 (笑)

我後來睇了少少宋慶齡自傳,好奇這樣一個有樣有學識有家底的女子點解會鐘意孫中山?當時孫先生有老婆仔女又有情人,宋小姐竟然不顧父母反對,大膽向孫表白!
她是一個多前衛的女人啊,兩人年紀仲要相差27年......

所以自傳未睇完,我走左去睇孫中山的情史。他是一個非常風流的男子,不過對女人就唔多負責任囉~ (我咁樣講國父得唔得架??) 反觀袁世凱,也是非常風流,但他把佔有過的女人都娶回家去,俾人一個小妾的名份。(結果娶左10個!) 而孫先生承認的太太也就只有原配盧慕貞和再娶的宋慶齡而已。(反而盧夫人有將孫先生其中一個同居情人加到族譜上,給她一個妾室的地位。)
愈講愈遠,自傳還未看完....

行完宋慶齡故居,去行舊法租界。呢度沒什麼驚喜....係d 樹好大棵

舊法租界
點解人地影相靚過我影咁多....

然後去了徐家匯天主堂

徐家匯天主堂 (網上圖片)

點知教堂正進行大維修,無得入去。

徐家匯地鐵站入面要行好耐好耐...結果我只係望到個教堂屋頂個尖尖咋,真失望。無法啦咁,又要入返地鐵站行....
好在地鐵站有幾塊板介紹徐光超家族的歷史,好過無...

DAY 3.   朱家角古鎮 , 南京步行街

呢日去最遠,去了四大古鎮中最出名的朱家角。全日都係陰天,扣哂分。
朝早仲落左陣雨,好凍好凍 (得4度)。由大世界站坐滬朱高速巴士快線到總站就OK,落車後行大約10分鐘到小鎮。(但我地行錯左相反方向,用左半個鐘先到入口=.=)

古鎮好有味道! 我幾LIKE



去左湖上的一間茶館,飲七年普洱。原來年久的黑茶可以暖胃,真係好得!!! 另試了著名紅茶金駿梅,好香! 但這次一股熱茶到肚,明顯沒有七年普洱那種温暖,只有茶香和茶甘。我地邊聽老闆娘講解不同茶葉/ 茶具,一邊品茶,又看看湖上風景,在小茶館待了兩個小時。

離開時已經天黑,就返去酒店附近的南京步行街食晚飯。這裡熱鬧得很,名店林立,有些街頭表演者,周圍播住熟識的「浪奔,浪流,萬里滔滔江水永不休....」


DAY 4. 人民公園 (著名上海相親角)

哈哈,點解走去相親角?近姐, 從酒店行過去大約10分鐘。 呢個公園幾好行,有湖有小瀑布,仲有過山車,海盜船,旋轉馬車, 有得釣魚...... (地方大真好)

相親角有好多單身男女的父母親,各自寫了子女的profile,其他父母看了合心水的話,可以交換仔女相片/電話。當中有d 男士有車有房有存款,都幾得! (嘿嘿)

 旅程完。

0 意見:

張貼留言