2015年10月30日 星期五

火星任務~好好睇

前晚去了睇火星任務。本來興趣唔大,太空人、火星、太空總署、物理學,聽到都唔期待,對嗎?不過,當我冇期望之下去睇,又覺得套戲拍得好好喎。好的其中一個原因,當然係有男人味的麥迪文,有腹肌、胸肌、背肌、手瓜,超級吸引。戲入面,佢叫做Mark Watney,係個聰明、幽默、又強壯的男人,去火星執行任務期間被隊友獨留在火星。死唔去,就要自救,故事就係咁樣開始喇。

地球上的人,知道Mark未死,於是諗方法營救佢。派補給去火星,牽涉好多考慮,政治上、金錢上,仲有可行性。拍戲都用超過一億,所以真係去火星,你話要幾多錢喇?美國第一次發射了補給,不過失敗了。最後得到中國幫助,用太陽神推進器,才成功營救到Mark。當然中國不是義務幫美國NASA的,可以見到交換條件就係下一次出發到火星的太空人中多了一名中國太空人。故事拍得很仔細,也容易明白,我挺喜歡的。中間也有不少笑料,令我看得很輕鬆,正呀。

0 意見:

張貼留言